СЛУШАЈТЕ ВО ЖИВО

Економија

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15% во однос на минатата недела.

Така, цените на бензините ЕУРОСУПЕР БС-95 и ЕУРОСУПЕР БС-98 се зголемуваат за половина денар по литар, а литар дизел и на Екстра лесно масло за домаќинство ќе се продаваат по цена повисока за еден денар.

Малопродажната цена на мазутот, пак, се зголемува за 0,348 ден/кг и сега ќе изнесува 35,237 ден/кг.

 

Од вечерва по полноќ (15 јуни) цените на нафтените деривати ќе изнесуваат:

Бензин ЕУРОСУПЕР БС-95: 68,5 денари/литар

Бензин ЕУРОСУПЕР БС-98: 70,5 денари/литар

Дизел ЕУРОДИЗЕЛ БС (Д-Е В): 61,5 денари/литар

Масло за горење ЕЛ-1: 61 денар/литар

Мазут: 35,237 денари/килограм

Од Регулаторната комисија информираат дека во изминатиот седумдневен период сите референтни цени на светските берзи во просек бележат зголемување: бензинот за 1,377 %, дизелот за 2,116 %, екстра лесното масло за 2,606 % и кај мазутот зголемувањето е за 1,029 %.

Во истиот период, пак, курсот на денарот во однос на доларот е повисок за 0,265 %.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content