Денеска во период од 13 до 15 часот, пред Владата, вработените од Министерството за култура, Управата за заштита на културното наследство и Агенцијата за филм, повторно преку мирен протест ќе го изразат незадоволството поради своите недостоинствени месечни примања.
Реагираат дека во Министерството за култура и Управата за заштита на културно наследство, платите на скоро 70% од вработените се под просечната плата во Република Северна Македонија, а разликата со платите на вработените на истите позиции во установите од областа на културата е и по 10.000 денари.
Вработените во овие три институции, како што велат, бараат покачување на платите по примерот на вработените во Министерството за финансии, кои со Закон се зголемија за 30%.
