СЛУШАЈТЕ ВО ЖИВО

Култура

Евростат: Во Македонија 72 отсто од граѓаните се информираат од онлајн медиуми

Мнозински 72 отсто од македонските граѓани на возраст меѓу 16 и 74 години во 2021 година го користеле интернетот за читање на онлајн медиуми или за информирање преку електронските верзии на весниците, покажуваат податоците на Евростат. Ова е идентичен процент со просекот на земјите-членки на ЕУ.

Притоа, најголеми корисници на онлајн медиумите во Европа имало во Финска – 93 отсто, по што следат Литванија и Чешка со по 92 отсто од граѓаните на овие земји. Наспроти ова, најмал процент од граѓаните се информираат онлајн во Романија – 59 отсто, Германија – 62 отсто и Франција – 63 отсто.

Меѓу земјите – кандидати за членство во ЕУ од регионот, најмалку корисници на интернетот за читање вести по порталите и електронските верзии на весниците има во Албанија – 58 отсто, додека Црна Гора предничи со 80 отсто од граѓаните кои читаат вести онлајн.

Од родова перспектива, податоците на Евростат покажуваат дека 74 отсто од мажите во ЕУ го користат интернетот за читање вести онлајн, наспроти 71 отсто од жените.

Од аспект на возрасни групи, во земјите-членки на ЕУ читањето онлајн на портали и весници е најпопуларно кај возрасната група меѓу 25 и 54 години (75 отсто). Лицата со високо образование (85 отсто) воглавно го користеле повеќе интернетот за информирање онлајн од лицата кои не достигнале такво ниво на образование (57 отсто).

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content