ВИДЕО | Скандал на Евровизија: Француската претставничка покажа среден прст, не можела да го поднесе поразот
Француската претставничка Ла Зара на Евровизија освои многумина со својот дамски стајлинг и настапот кој го привлече вниманието со елеганцијата што речиси само Французите можат да ја донесат на сцената.
Со шармантниот мал шешир носен настрана и гламурозниот фустан, Ла Зара важеше за натпреварувачка која, во шаренилото на сè што има да понуди Евросонг, ќе се истакне со шик и елеганција.
Но, се случи токму спротивното. Имено, во моментот кога дознала дека добила само 50 гласови од публиката, пејачката покажала нималку дамски гест – средниот прст!
🇫🇷🎤FLASH – La chanteuse La Zarra qui représentait la France lors de l’Eurovision ce soir a adressé un doigt d’honneur en découvrant les points du public. (témoins) pic.twitter.com/BiJor7nrf7
— AlertesInfos (@AlertesInfos) May 13, 2023
Француската претставничка не го поднела добро резултатот којшто нејзината земја го оствари на Евровизија.
Во салата како да завладеала тишина, а видно шокирани биле и водителите додека експресно продолжиле да ги читаат резултатите.
Очекувано, не требаше многу време нејзината реакција да стане вирален хит за кој сите зборуваат, па Ла Зара реши да се оправда со објаснување дека тоа е гест на разочарување поради фактот што нејзината песна „Évidemment“ вкупно освои 104 поени и заврши на 16-тото место.
„Тоа не е негативен гест, напротив, тоа е само гест на разочарување којшто го користиме меѓу пријателите. Секако дека сме разочарани, толку многу работевме. Истовремено, тоа е голем извор на гордост, затоа што направивме многу добар настап“, изјавила таа за БФМТВ.
Уште еден детаљ бил забележан и привлекол внимание – Ла Зара одлучила да не го чека прогласувањето на победникот во салата во Ливерпул, туку била снимена како излегува додека Шведска и Финска ги чекале резултатите.
Инаку, Ла Зара беше меѓу фаворитите за освојување на овогодишната Евровизија, а се претстави со песната „Evidemment“.
