СЛУШАЈТЕ ВО ЖИВО

Култура

Андре Риу се врати во Скопје и ја крена публиката на нозе со „Македонско девојче“

Спектакл! Магија! Бајка! Иако неколку зборови не се доволни да се долови синоќешната атмосфера на концертот на Андре Риу.

Легендарниот холандски виолинист и диригент со својот оркестар „Јохан Штраус“, најголемиот приватен оркестар на светот, кој брои 60 члена, направи вистинска магија во ВИП Арената „Борис Трајковски“.

Фото: Драган Митрески

Неговиот начин да ја маѓепса својата публика од почеток до крај на концертот и да ја направи класичната музика забавна и современа, го направи еден од најголемите забавувачи на нашето време, а неговите концерти се многу повеќе од музика.
Публиката на концертот во Скопје уживаше во новата програма сочинета од фантастичните мелодии од светот на мјузиклите, оперите и оперетите, како и од традиционалната музика.

Виталниот 73-годишен Андре ја поздрави публиката со „Добро вечер“ и ја поведе на магичното музичко патување. Речиси три часа, на негов својствен харизматичен и непосреден начин ја забавуваше, шармираше и насмејуваше. Дека хуморот и разиграноста се важни елементи на концертите на оркестарот „Јохан Штраус“, доказ беше синоќешниот концерт.

„А каде дојдовме ние вечерва? Во центарот на Универзумот. Добредојдовте во Скопје“, ѝ се обрати на публиката во еден момент маестро Риу.

Фото: Драган Митрески

Андре и неговиот оркестар несебично се трудат концертите да бидат гозба за сите сетила. Па следствено на тоа, покрај музичкиот дел, во синоќешниот спектакл беа вклучени и визуелните ефекти кога ненадејно почна да врне „снег“, да паѓаат балони…

Фото: Приватна архива

А, очекувано, публиката особено беше трогната кога започнаа тактовите на легендарната македонска песна „Македонско девојче“. Во преполната сала одекна одушевувачки восклик, проследен со громогласен аплауз, додека Риу и оркестарот ја изведуваа „Македонско девојче“.

Фото: Приватна архива

„Кралот на валцерот“, како што го нарекуваат Риу, по три години се врати во Скопје и порано ја донесе новогодишната магија.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content