СЛУШАЈТЕ ВО ЖИВО

Технологија

Продажбата на компјутери продолжи да паѓа

„Canalys“, компанија за истражување на пазарот, објави извештај за глобалните испораки на компјутери во четвртиот квартал од минатата година, како и за целата година.

Така, „Canalys“ откри дека продажбата на компјутерски уреди (вклучувајќи десктоп компјутери и лаптопи) е намалена за 29% во споредба со истиот период минатата година. Во тие три месеци ширум светот се продадени 65,4 милиони компјутери.

Вкупните испораки на компјутери во 2022-ра година беа 285,1 милиони, што претставува пад од 16% од зголемената побарувачка во 2021-ва година.

Сепак, обемот на испораки е зголемен во однос на времето пред пандемијата, за 7% во однос на 2019-та година.

Според извештајот, испораките на лаптопи забележале поголем пад. Така, во текот на четвртиот квартал од минатата година се продадени 51,4 милиони лаптопи, што е пад од 30% во однос на истиот период лани. Вкупно минатата година се продадени 223,8 милиони лаптопи, што е пад од 19 отсто на годишно ниво.

Десктоп компјутерите забележаа релативно помал пад, годишен пад од 7% во споредба со минатата година. Квартално, забележан е пад на продажбата од 24% во споредба со четвртиот квартал од 2021-ва година.

Кога зборуваме за брендови, првото место во 2022-ра година го зазеде „Lenovo“. Втор беше „HP“, трет „Dell“, кој забележа најголем пад меѓу првите пет. Четвртиот е „Apple“, додека листата на Топ 5 во 2022-ра година ја заокружува „Asus“.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
Skip to content