СЛУШАЈТЕ ВО ЖИВО

Култура

Европско патувачко кино под отворено небо

По втор пат годинава „Европското патувачко кино под отворено небо“ ќе претстави нови европски филмови на проекциите на отворено пред публиката низ земјава, овој пат патувајќи во Валандово, Кичево и Штип.

„Европско патувачко кино под отворено небо“ е годишен приказ на нови европски филмови признаени од критиката и сакани од европската публика, кој секоја година патува во три различни градови низ земјата.

Годинава започнува во Валандово на 13 и 14 јуни пред салата „Јанко Узунов“, потоа патува до живописното Китино Кале во Кичево на 18 и 19 јуни, и завршува во Штип на 24 и 24 јуни на летната сцена на Младинскиот центар.

„Европското патувачко кино под отворено небо“ годинава ќе прикаже 6 европски долгометражни филмови. Повеќето од нив се наградувани филмови создадени во последните години, кои ја отсликуваат европската креативност и различност и нудат нешто за сечиј вкус, како и 6 македонски кратки филмови, од кои некои исто така биле наградени на различни филмски фестивали и биле пофалени од љубителите на филмот.

Проекциите ќе започнуваат во 20.30 часот, а потоа ќе следат разговори со познатите филмски критичари Влатко Галевски, Златко Ѓелески и Јована Ѓорѓиоска и нивните гости, познавачи на темите што се обработуваат во филмовите.

 Годинешниот избор на играни филмови ги вклучува: Лавкат (Lovecut, Австрија), Смената (The shift, Италија, Белгија), Маре (Mare, Швајцарија, Хрватска), Надеж (Hope, Норвешка, Шведска, Данска), Атлас (Atlas, Швајцарија, Белгија, Италија) и Вселенското момче (Space boy, Белгија).

Изборот на филмови ги отсликува современите теми кои се однесуваат на сите нас, а особено на младите – од тинејџерските животи и врски под влијание на интернетот до насилниот екстремизам и тероризмот, и од учеството на жените во снимањето филмови до децата во науката итн. Влезот на проекциите е бесплатен.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content