Локално 
Министерката Царовска во посета на Прилеп и Битола во рамки на процесот „Учи паметно, работи стручно”
Министерката за образование и наука Мила Царовска денеска ќе учествува на консултативни состаноци со претставници од компаниите, локалните самоуправи и средните стручни училишта во Прилеп и Битола.
Како што соопшти Министерството за образование и наука, состаноците се дел од процесот „Учи паметно, работи стручно” чија основна цел е да се идентификува потребата од отворање на одредени профили и паралеки, во средните стручни училишта во градовите низ државата од идната година.
Со унапредување на стручното образование ќе може да се одговори на потребите на реалниот сектор со соодветен стручен кадар, но и да се овозможи поголема вработливост на младите, се додава во соопштението.
По средбите предвидени се изјави за медиумите.
